جيل البلاي ستيشن

إحنا جيل البلايستيشن ومش هيسيب الثوره دي إلا لما يقفلها
احنا جيل جزء منه ربنا يشفيه وجزء ربنا يرحمه وجزء ربنا يفك سجنه
احنا جيل اتصور مع صبعه البمبي
احنا جيل بيخاف من امه اكتر ما بيخاف من ضرب النار
احنا جيل إمامه الشيخ عماد عفت و يحمل رايته... مينا دانيال
... احنا جيل عمل حظر تجول للداخلية
احنا جيل راح ماتش كورة .. مات
احنا جيل بيجروا ويتسبقوا ورا قمبلة الغاز
احنا جيل بيكتب وصيته ويطلع شهادة وفاته قبل البطاقه
احنا جيل مفيش أى سبب يخلينا نحب البلد دى ... مع ذلك ممكن نموت عشانها
احنا جيل لا دخلنا السجون ولا شوفناها بس اسمنا مكتوب جواها
احنا جيل بيقول للحاكم : قــــــــــــوم ومش هاقعد مطرحــــك
احنا جيل لا اتغذى كويس ولا اتعالج كويس ولا اتعلم كويس ... لكنه بيفكــــر كويس
احنا جيل احنا جيل شكله هيخلص ومش هيلحق يحكى حاجه للجيل اللى جي
احنا جيل بيحــــارب ..علشان أولاده .. اللي لسه ما خلفهمـــش
احنا جيل كسر حاجز الخوف اللي محدش قدر يكسره من 60 سنة
احنا جيل من أفعاله ... تتولد الأفكــــــــــــــار
احنا جيل جبل اتربى على التلفزيون المصرى وبرضة متأثرش بية
احنا جيل حُــــــــــــــــــــــــــــــــــــــــــــــــــــــــــــــــــــــــــــر.........منقول